Ilunni nipaanerup nipaa

Attaveqaat ilunni nipaasutsip nipaanut annaagukku, imminut attaveqaatit annaasavat. Ilunni kinaaninnut malugisaatit ilunnilu nipaasutsip nipaa immikkoorsinneqarsinnaangimmata Ilunni nipaanerup nipaa attaveqarfigilerukku, kinaasutsinnut nalunngissutsit annertusiartulissaaq. Timinni inuunerit malugigukku, maanakkumut inuunerit pituttussavat. Maanakkumut inuunerpit eqqasuuteqarnissamut, uippakajaarnissamut ersinissamullu pinaveersaartissavaatit Ulloq atorluariuk, pinngortitallu nipaanera periarfissatut atorluariuk     “Nipaasuseq misigisimaqaara Iluga sunningaartuarmagu Tikittutullu panna ittaraara Pisorpaluttulik qimallugu” Cecilie Lund, ningiu

Tusarnaarsinnaaneq, qanilaarneq akuersinerlu

Eqqarsaatiginikuuisiuk kammalaatisi sunilliiniit annissuiffigisinnaasasi oqaloqatigereernikuugaangassiuk qanoq oqiliallatsigisutut misigisarnerlusi? Kammalaatit taamaatut tusarnaarsinnaanermik, qanilaarnermik akuersinermillu peqarlutik eqqatsinniitarput, kinaasuserput qanoq issuserpullu akueringaarlugu. Eqqarsaatiginikuuisiuk aapparisat aamma taamatut pisinnaallugu? Tusarnaarsinnaanermik, qanilaarnermik akuersinermillu peqarlutit eqqaaniikuit qanormi pisoqassava?

Oqariartorfigineqarputit

Inuunerit tassanngaanaq aporfilerneqartutullusooq ilungersunartumut pisinneqarpat Paasiuk takorluukanut nutaanut saqisariaqartutut oqariartorfigineqarlutit. Ilaani inuunerput uatsinnut tulluanngitsumik tappiitsutullusooq ingerlatiinaleraangatsugu Unitsinneqartarpugut alloriarfissanut nutaanut ujartuisariaqalerluta Aporfik takkuttoq sakkortugaluarpalluuniit, qujallutit tigujuk, alloriarfissannut ilinnut pitsaanerusumik periarfissinneqaravit. Inuunera nuannaraara, aqqusaakkat sakkortuut qujamasuffigaakka Nukissannik piumassusermillu tunisimmata, anersaara ammatippara periarfissanik amerlanerusunik isigilerumallunga