November 20, 2016

Inuttut sunniuteqarnerusinnaaneq

Inuttut sunniuteqarnerusinnaanermik pikkorissarnerup iliuutit, eqqarsariaaseq misigissutsillu annerusumik ilisimalerneranut kinguneqartitsisarpoq, tassa imminut ilisimanerulernermik ineriartornermillu malitseqartarluni.

Inerikkiartorneq siunnerfigigaani inuup nammineq kisimi iluaqutigineq ajorpaa, suliffimmut aamma tunniusimaneq, piumassuseqarneq, imminut paarineq nuannaarnerlu annerusoq malunniuteqartarpoq.

Inuttut nukittuffiit sanngiiffiillu ilisimaarinerulernerisa kingunerisarpai imminut tatigineq annerusoq, inuunerlu oqimaaqatigiinerusoq.

Pikkorissaaneq ulluni tallimanik sivisussuseqarpoq kalaallisuinnarlu ingerlanneqassalluni.