August 23, 2016

Pillunga

Naleqartitama annersaata ilagaat nunatsinni oqaatsigut atorlugit ineriartornerup suleqataaffiginissaa, sineriatta isorartunera aporfiginagu piumassuseq siuttoralugu periarfissaqartuaanartoq upperaara.

Nunatta pinngortitarsua ineriartorninni ingerlaqatiginissaa pinngitsoorsinnaangilara, qamuunalu pisuussutitta annersaanik tunisiuarnera ukiup qanoq isinera apeqqutaatinnagu atorluartarpara.

Upperaara inuk kinaagaluaruniluuniit immikkuullarissumik piginnaasaqartoq, piginnaasallu atorluaraani inuiaqatigiini kivitseqataanissamut nukissaqarnerullutalu suleqataalluarnerussaagut.

Allaffimmiutut ilinniagaqarpunga, ukiullu qulit sinnerlugit misilittagaqarlunga.

Ukioq 2015 ineriartornermi siunnersortitut aqqutissiuisutullu ilinniagaqaqqippunga.

Pikkorissaanerillu Campus Kujalleq, Kommune Kujalleq, piareersarfik sulisartullu Højskoliat suleqatigalugit makku ingerlattareerlugit:

  • Inuttut ineriartorneq
  • Piginnaasanik piumassusermillu ineriartortitsineq
  • Aqutsisutut pikkorissaanerit
  • Suleqatigiilluarnerunissamut pikkorissaaneq
  • Inuusuttunut piginnaangorsaaneq
  • Stressemik pinaveersaartitsineq
  • Attaveqatigiineq
  • Naleqartitanik sammisaqarneq inissiinerlu
  • Ajornartorsiutinik aaqqiineq

Supervision gamma coaching saaffigineqarnikkut ingerlattarpakka.